تحذير من برنامج فيس آب FaceApp يسرق بياناتك والصور الخاصه بك ويتجسس عليك





    السلام عليكم ورحمة الله

    موضوع انهارده خطير جدا ولازم تشوف الفيديو للاخر  علشان متجيش تتفاجئ بمصايب بعد كده وتقول اتسرقت ازاي وازاي صوري انتشرت علي الانترنت ووقتها هتشك في ناس كتير اوي وممكن تخسر ناس كتير جدا في  حياتك
    موضوعي انهارده عن تطبيق اسمه  فيس اب
    التطبيق الخاص بتكبير الوشوش وتكبير السن بتاعك او تصغيره
    هو اه لطيف ودمه خفيف جدا والناس استخدمته بغباء شديد بس في شوية معلومات لازم تعرفوها عن الأبلكيشن ده
    مين الشركة مالكة التطبيق ؟
    الشركة مالكة التطبيق اسمها
    Wireless Lab"
    وهي شركة روسية
    واللي متأكد منه ان حتي الشركة دي ملهاش اي موقع علي الانترنت
    علشان كده المعلومات عن مالكها شحيحه جدا وفي حاجات كتير جدا غامضه عن التطبيق
    وكمان اللي اعرفه  ان مؤسس التطبيق والمدير التنفيذي اسمه ياروسلاف
    وهو مطور تقني وسبق له العمل في مايكروسوفت
    نيجي بقي للمهم
    ياتري ايه هي المعلومات اللي التطبيق ده بيجمعها عنك  حسب الخصوصية المنشورة في التطبيق
    وطبعا اللي نصنا اصلا مش بيقرأ اي حاجه وبيسطب وخلاص وبيوافق وخلاص
    لازم نعرف ان مكتوب وانت بتنصب البرنامج  انك موافق  ان التطبيق يحصل علي معلومات عنك ومن ضمنها
    1
    بياناتك الشخصية من الاسم والبريد الالكتروني والصور بتاعتك والفيديوهات وكافة المواد اللي بتنشرها علي التطبيق
    وبياخد كل اللي جهازك بيبعته
     مثلا موقعك وصفحات الاحالة وعدد النقرات وكيفية تفاعلك مع الراوبط
    والاي بي بتاعك علي الخدمة  والصفحات اللي بتفتحها وحاجات كتير جدا
    كأنه قاعد معاك با الظبط عافيه
    2
    بتحميلك للتطبيق بتسمح للشركة المالكه انها توصل للموبايل او التابلت اللي بتستخدم منه الخدمة وتجمع منه معلومات وتراقبك
    3
    - بتسمح للشركة المالكة للتطبيق والجهات الخارجية المرتبطة بها
    بالحصول على معلومات عن كيفية تصفحك للخدمة واستخدامها من أجل تقديم تقارير أو محتوى مخصص وإعلانات.
    مين الجهات اللي بتستخدم بياناتك الخاصة دي؟
    4
    - بتحميلك للتطبيق فإنت بتسمح بمشاركة بياناتك مع الشركة المالكة للتطبيق، ومع الشركات التي تعد جزءً قانونيًا من نفس مجموعة الشركات اللي التطبيق جزء منها.
    5
     انت كمان بتسمح بمشاركة معلوماتك وبياناتك الشخصية مع مؤسسات الجهات الخارجية اللي بتساعد التطبيق في تقديم الخدمة ليك   بمعني اوضح شوية   شركات الانترنت اللي بتتعامل معاها يعني
    بيتم منح مزودي الخدمة الخارجية امكانية الوصول الي المعلومات الخاصه بيك بشكل معقول
    بموجب شروط سرية معقوله
    6
    كمان من ضمن اللي هيحصلوا علي بيانات عنك
    فهي شركات الاعلان اللي التطبيق بيتعامل معاها
    ضيف لده كمان ان لو التطبيق اتباع بشكلي كلي او جزئي لأي جهة  فالمعلومات اللي بيتم تجميعها عنك  هتبقي مع اللي اشترا التطبيق
    ولازم اللي بيتسخدم التطبيق ياخد باله ان الشروط دي ممكن تتغير او تتعدل من وقت للتاني
    7
    لازم تعرف ان سياسة الخصوصية بتاعة التطبيق ده  مش ذاكرة اي شئ نهائي  علي اللي هيحصل با البيانات بتاعتك  لو الخدمة اتوقفت في اي وقت او حسابك اتمسح
    يعني بالعربي بياناك ممكن تتباع بكل سهولة لأي شركة تانية   لو الشركة المالكة للتطبيق اتباعت
    8
    التطبيق بيطلب بيانات وحقوق كتير اوي اكتر من اللي هما محتاجين له علشان التطبيق يشتغل عندك

    وبكده اكون خلصت الفيديو بتاع انهارده  ولو انت لسه جديد معايا اشترك في القناة وفعل الجرس علشان يوصلك كل جديد ان شاء الله
    واشوفكم في فيديو جديد

    الفيديو علي موقع يوتيوب





                                                                                       

     والسلام عليكم ورحمة الله   


     أحمد صوان - Ahmed Sawan
    @مرسلة بواسطة
    كاتب ومحرر اخبار اعمل في موقع وي كايرو .

    إرسال تعليق